2012/12/18
《不要問我為何不休息。其實我也不知道之想起我老豆》
這十個星期裡，我過著無休假生活，令我想起跟我的老豆無異。我做仔個陣，經常都唔明白老豆點解可以唔放假。有一次...
我：「老豆你幾時休息？你仲咩唔休息既？」
爸：「唔開工有咩做？」
我：「星期六日wo，你唔駛抖下嫁？」
他多數不回應，繼續看電視。
媽：「我都叫你抖下唔好咁搏嫁啦。」
爸：「好，幾時休息都得，呢排D貨未落到離，D油添仔又未起貨啞住個場番去都冇乜野做。」（註：我老豆是個三行工人）
媽：「你牛係屋企唔開工，一陣就嗌頭痛，又搵我離攪，你都係去開工啦。」
爸：「呀，去邊度行下好？」
媽：「唔去呀，邊度都唔去。」
爸：「又係你叫我休息既。」
媽：「你去開工啦。」
我：「-.--.-.-.-.-.-.-.-」
我得出的總論是，老豆沒有特別事幹就會去開工，娘親是個非常自相矛盾的人。
『沒有特別事幹就會去開工』我開始慢慢體會到底是什麼一回事。到了一個狀態，朋友的約會沒有那麼多，消費意慾不太大，沒有什麼暫時的目標，工作會是一個精神寄託，反正番工又有錢搵。
我更開始意識到星期六日經已沒有什麼待別，只是巴士班次會跟平日不同，但走左一班車會之後會好麻煩，最好不要攪錯。
不要問我為何不休息。我也不知道。
硬要我解釋，大概是因為我懶惰，我沒有固定的休息日，想休息就要跟老闆提出，如果你不說，就等於默認7日工作天吧。也許我不是那麼的勤力-.-我爸可能也如是-.-
沒有留言:
張貼留言